ReadyPlanet.com


คำพญา


ผัวเมียนี้ กูมึง อย่าได้เว้า

ข่อยและเจ้า สองเฒ่าชั่วชีวัน

คันว่ายามกินข้าว ให้ผัวนี่กินก่อน

ให้มันเหลือแต่ก้าง นางหล่าจั่งค่อยเล็ม.....นางเอ๊ย

อันว่าบุญ ๆ นี้ บ่มีไผปันแจก

มันบ่แหกออกได้คือจั่งไม้ผ่ากลาง

คือจั่งเฮากินข้าว เฮากินเฮากะอิ่ม

มันบ่ไปอิ่มท้อง เผิ่นพุ้นผู้บ่กิน

ไกล ขอให้ไกลแต่บ้าน ซั่วไห่นาสวน

ไกล ขอให้ไกลแต่มวลหมู่เฮือนกับบ้าน

คันว่าวาจาเว้าของคนเฮา อย่าได้ห่วง

ต่างคนแม่นสิอยู่ต่างบ้าน คำเว้าอย่าต่างกัน เด้อ......

คันบ่อออกจากบ้าน บ่เห็นด่านแดนไกล

คันบ่ไปหาเฮียน กะบ่มีความฮู้

คันแม่นมีความฮู้เต็มพุง กะตามซ่าง

โตสอนโตบ่ได้ ไผสิย้องว่าดี...

คือจั่งเห็นแก้วมณีนิลหัวใส

บาดได้มาแท้ ๆ ดมเล่นดั่งเม็ดดิน

คือจั่งบ่สมโส่ง เสียทรงผู้ฉลาด

คือจั่งคนขี้โม้ บ่สมผ้าเผิ่นทาน

 

ฯลฯ



ผู้ตั้งกระทู้ ทรชนบ้านนอก :: วันที่ลงประกาศ 2012-03-19 15:00:44


[1]

ความคิดเห็นที่ 1 (2261374)

              ควมผญาอันนี้      ยินแม้นมวนหู     แท้นา

              หวานแซบซ้อย    กว่าอ้อยตาลน้ำ

อย่าสิ       โสดาด้วย           ควมคนบ่ฮู้ค่า

ควมผญา   นี่ค่าล้ำ              แก้วเก้าบ่เทียม   ได้แหลว

ผู้แสดงความคิดเห็น พิมล มองจันทร์ วันที่ตอบ 2012-03-19 20:47:17



[1]


แสดงความคิดเห็น
ความคิดเห็น *
ผู้แสดงความคิดเห็น  *
อีเมล 
ไม่ต้องการให้แสดงอีเมล


Copyright © 2010 All Rights Reserved.