หน้าหลัก | ข้อมูลสมาคม | บทความ | บทร้อยกรอง | ข่าวสารประชาสัมพันธ์ | กิจกรรม | กระทู้ | หนังสือ | ร้อยกรองออนไลน์ |
บักหำน้อยจำบ่คำปู่สอน | |
“จื่อคำปู่สอน” อันฮีตสิบสอง คลองธรรมอีสาน โบราณเผิ่นว่า ค้ำคูนมูลหลาย สายน้ำวันวาน สืบสานฮอยเก่า บอกเล่าต่อมา ฮีตงามให้ฮู้ ใจสูอย่าเศร้า เฮือนเก่าเคยนอน อันคลองสิบสี่ จื่อไว้เด้อน้อย อย่าเหงอยสร้อยเศร้า คำสอนปู่ย่า อย่าพากันลืม สูเจ้าเฮียนเอา อย่าเขลาปัญญา ธรรมมาใส่ใจ ฮีตใดน้อมตาม คลองงามให้ทำ จื่อจำทุกสิ่ง สอนใจซู่มื้อฯ ขอน้อมใจคารวะ “ทรชนบ้านนออก” | |
ผู้ตั้งกระทู้ ทรชนบ้านนออก :: วันที่ลงประกาศ 2012-05-23 00:14:02 |
[1] |
ความคิดเห็นที่ 1 (2275297) | |
“ปู่เผิ่นเว้า” ......... เมือบ้านบ่ พ่อแม่คอยถ่า อย่าถิ่มปะ เผิ่นมีบุญคุณ การุณเฮา เลี้ยงดูแต่น้อย ฝาหอยจี่ ถ่อตีนอีหล่า ค่าน้ำนม คือเลือดอีแม่ แต่เฮาน้อย กินอิ่มอยู่ดี มีมั่งมูล เกื้อกูลเผิ่นเด้อ เผลอลืมบ่ สูเฮาเจ้าข้อย ฮอยจูบตีน เลือนรางจางหาย หากสายเกิน เผิ่นบ่อยู่แล้ว แก้วตาไห้ สิ้นไร้ความหมาย มากมายมูล เบิ้ดสูญสิ้นไป ให้เบิ่งแหยง อย่าแล้งสิ้นคุณ นั่นล่ะลูก จื่อไว้จนตายฯ ขอน้อมคารวะจากใจ “ทรชนบ้านนอก”
| |
ผู้แสดงความคิดเห็น ทรชนบ้านนอก วันที่ตอบ 2012-05-23 23:14:50 |
[1] |
Copyright © 2010 All Rights Reserved. |
Visitors : 870611 |